Şriftin ölçüsü :

Saytın rəngi :

“Zəfərimiz mübarək”

09 yanvar 2021 | 16:00

Ümummilli lider, Ulu Öndər, Azərbaycan xalqının xilaskarı, dünya şöhrətli ictimai – siyasi xadim Heydər Əliyevin ideyalarının və uğurlu siyasətinin layiqli davamçısı, Müzəffər Ali Baş Komandan, Cənab Prezident İlham Əliyev ölkəyə rəhbərlik etdiyi 17 il ərzində Respublikamız hər bir sahədə keçid dövrünü başa vuraraq modernləşmə mərhələsinə qədəm qoymuşdur. Dövlət başçısının səyi nəticəsində gerçəkləşən uğurlu diplomatiya yeni əsrdə Azərbaycanın bölgədə və dünyada layiqli yerini tutmasını, regional liderliyini təmin etmişdir.
Ümumiyyətlə, son illər ərzində ölkə həyatı üçün strateji əhəmiyyət kəsb edən inkişaf proqramlarının hazırlanması və işlək mexanizmlər əsasında həyata keçirilməsi, ən müxtəlif sahələrdə intibah və tərəqqi prosesinin geniş vüsət alması ilə səciyyəvidir. Azərbaycanın beynəlxalq aləmdə artan nüfuzu ölkədəki ordu quruculuğu işində də özünü qabarıq göstərir.
Ali Baş Komandanın hərbi sahəyə, hərbi qulluqçulara göstərdiyi diqqət və qayğı, hərbi qulluqçuların sosial və məişət şəraitinin daim nəzərdə saxlanılması, aylıq vəzifə maaşlarının dəfələrlə artırılması, təhsil, təlim və tibb sahəsində yeni metodların tətbiq olunması gözlənilən yüksək nəticələrə rəvac vermişdir.
30 ilə yaxın idi ki, Ermənistan  Azərbaycanın qədim, əzəli torpaqlarını işğal altında saxlayırdı. Elə həmin vaxtdan ermənilər yurdumuzun sərhəd bölgələrini davamlı olaraq atəşə tutmaq, təxribat xarakterli addımlar atmaqla dinc əhalinin rahatlığını pozur, dağıntılar yaradır, vətəndaşları qətlə yetirirdilər.
1994-cu ildə imzalanmış atəşkəs haqqında sazişin qaydalarına Ermənistan tərəfi heç cür riayət etmirdi. 2016-cı ilin aprelin 1-dən 2-nə keçən gecədən başlayan döyüşlər Silahlı Qüvvələrimiz üçün Qələbə ilə nəticələndi.
2019-cu ilin oktyabrın 3-də Rusiya Federasiyasının Soçi şəhərində “Valday” Beynəlxalq Diskussiya klubunun XVI illik iclasının plenar sessiyasında Cənab Prezident İlham Əliyev Ermənistanın baş naziri Nikol Paşinyana və onun sərsəm  bəyanatlarına  qətiyyətli  və  tutarlı cavab verərək “Qarabağ Azərbaycandır və Nida” deməsi  işğalçı  ölkənin  başı  üstündə  ildırım  kimi çaxdı. Bu ilin iyulun 12-də  Ermənistan  Silahlı Qüvvələri  atəşkəs  rejimini  növbəti  dəfə  kobudcasına pozdu. Şanlı Ordumuzun  səyi  və  əks-həmlə  tədbirləri  nəticəsində  düşmən  təxribatının  qarşısı alındı.
Bu ilin sentyabr ayının 27-də Müzəffər, Şanlı  Ordumuzun  işğalçı  Ermənistan  Silahlı  Qüvvələrinə  qarşı  başladığı  əks  hücum  əməliyyatlarında  44  gün  ərzində  davam  edən  Müharibədən  əldə  etdiyi  Möhtəşəm  Qələbəmizin, cəbhədəki  uğurların  ən  başlıca  səbəbi  Müzəffər  Ali  Baş  Komandan, Cənab  Prezident  İlham  Əliyevin  son  17  ildə  həyata  keçirdiyi  güclü  dövlət, güclü  ordu  strategiyası, xalq-iqtidar  birliyi  və  Ön  cəbhədə  döyüşənlərin  ruh  yüksəkliyi  idi.
30  il  ərzində  Beynəlxalq  Təşkilatların  həll  edə  bilmədiyi  məsələni  Azərbaycanın  Şanlı  Ordusu  Müzəffər  Ali  Baş  Komandanın  rəhbərliyi  ilə  qısa  müddətdə  gerçəkləşdirə  bildi.  Ermənistanın  “ordusu”  tam  məğlub  olaraq  təslim  oldu.
Böyük  Qələbənin  ilk  müjdəsini  Müzəffər  Ali  Baş  Komandan  noyabrın  8-də  Qarabağın  ürəyi  sayılan, doğma, qədim  Şuşamızın  işğaldan  azad  olunmağı  xəbərini  xalqa  müraciətində  bildirdi.  Həmin  gün  xalqın  sevincinin  həddi-hüdudu  yox  idi.  Hamı  bayramı  böyük  sevinclə  qeyd  edirdi.  8  noyabr  tarixə  Zəfər  Günü  kimi  əbədi  olaraq  qızıl  hərflərlə  yazıldı.
Dekabrın  10-da  Bakının  Azadlıq  Meydanında  Vətən  Müharibəsində  Qələbəyə  həsr  olunmuş  Zəfər  paradı  keçirildi.  Paradda  iştirak  etmək  üçün  gələn  Türkiyə  Respublikasının  Prezidenti   Rəcəb  Tayyip  Ərdoğanın  iştirakı  və  əməliyyatlarda  Şəhid  olan  2783  Azərbaycan  Əsgərinin  simvolik  sayı  qədər  Türk  hərbçisinin  qatılması  bir  daha  Azərbaycan-Türkiyə  dostluğunu  və  qardaşlığını  dünyaya  göstərdi.
Qalib  xalq  kimi  tarixə  düşməyimiz  fəxrdir, qürurdur!  Biz  bir  daha  bütün  dünyaya  nümunə  olduq!
Uzun  illərin  həsrətinə  son  qoyan  Müzəffər  Ali  Baş  Komandanla  və  Şanlı  Ordumuzla  qürur  duyuruq!
Yaşasın Azərbaycan!

Yeni Azərbaycan Partiyası Suraxanı rayon təşkilatı Gənclər Birliyinin fəalı Əfqan Vəlizadə

Keçidlər